الاثنين، 18 ديسمبر 2017

طريقة الحجز وتفاصيل الشرح لمادة الفيزياء

طريقة الحجز وتفاصيل الشرح لمادة الفيزياء








لأى استفسار ابعتلنا على صفحة الفيس بوك او على الواتس




الموقع جاهز الحمد لله ... يعنى اللى هيبعت الايصال هيتعمل له الحساب على الموقع فى نفس اليوم ( رابط الموقع الجديد )

السلام عليكم جميعا طلبة تالتة ثانوى
هنجاوب ان شاء الله فى الصفحة هنا على كل اسئلتكم واستفساراتكم ,,, واللى عنده أى استفسار اخر يقدر يكتبه فى تعليق فى نهاية الصفحة , او يبعته فى رسالة على الواتس
  1. الشرح الموجود على قناة اليوتيوب هيفضل موجود وتقدر تتابعه فى أى وقت ومش مطلوب منك تدفع أى مقابل له وهو شرح كافى جدا ويغنيك عن الدرس لدرجة ان فيه طلبة كانوا بيحضروا معانا وسابوا الدرس فعليا فى السنة اللى فاتت وايضا السنة دى هتلاقى ( شرح الفصل الاول وحل اسئلته من كتاب الامتحان وكتاب المدرسة - شرح الفصل الثانى وحل اسئلته من كتاب الامتحان - شرح الفصل الثالث وحل نصه من كتاب الامتحان - شرح الفصل الرابع والخامس وجزء كبير من السادس ولكن بدون حل ) وكمان شرح الرسم البيانى وحل امتحان الازهر للعام الماضى وحل بعض نماذج البوكليت وكل كدة ده تقدر توصل له من خلال رابط واحد فقط وهو ده ( الرابط )
  2. وممكن كل اسبوعين نضيف فيديو او اتنين او تلاتة على اليوتيوب حسب الوقت المتاح






بالنسبة للنظام الجديد :
  1. الشرح هيكون على موقع إسمه Udemy  وده الرابط بتاع الشرح الخاص بنا عليه ( الرابط ) ( الموقع مازال بيتم اعداده وهينتهى خلال يومين بحد أقصى ان شاء الله 
  2. الموقع ده ممتاز جدا سواء فى عرض الفيديوهات او فى اتاحة الفرصة للتواصل بينكم وبينا
  3. يعنى أأقدر فى أى وقت ابعت رسالة لكل المشتركين اعرفهم الجديد اللى نزل وكمان نقدر فى اى وقت نبعت لكم رسالة فيها اجابة على سؤال مهم ليكم كلكم ,,, وكمان انتوا تقدروا تبعتولنا رسايل ونجاوب لكم عليها
  4. كمان بيديك امكانية انك تتابع نفسك خلصت نسبة كام من الشرح يعنى كل ما تخلص سماع فيديو يقولك انت كدة نسبتك زادتك وليكن سمعت 90% من الفيديوهات وطبعا ده هيشجعكم انكم تخلصوا
  5. هنقدر نعمل لكم امتحاانات اختيارى ( قدر الامكان ) نقيمكم من خلالها
  6. الشرح مش هيكون Live  يعنى هيبقى زى اليوتيوب كدة ,,, هشرح الفيديو وبعدين ارفعه لكم وانتم بعد كدة تقدروا تشوفوه
  7. مفيش ميعاد محدد لمشاهدة الفيديو , تقدر تتابعه فى أى وقت وتقدر تشوفى النهاردة وترجع تشوفه بعد شهر عادى مفيش قيود
  8. الموقع بيديك اختيارات كويسة ,,, مثلا ( بتقدر تسرع وتبطأ الفيديو بالسرعة اللى انت عايزه - تقدر تختار الجودة المناسبة لسرعة النت بتاعتك - بيعرفك انت خلصت اد ايه من الشرح اللى موجود يعنى يقولك انت خلصت 50% او خلصت 70% او خلصت 100% وهكذا وطبعا ده شىء كويس علشان هيشجعك تزود المعدل بتاعك كويس
  9. هتقدر تدخل على الموقع من خلال التليفون او كمبيوتر او لابتوب .
  10. علشان كدة عايزينكم كلكم تشتركوا وياريت تعرفوا بعض وان شاء الله مش هتحتاجوا تاخدوا درس بنسبة كبيرة
  11. العدد المطلوب 100 حجز فقط ,,, علشان نعرف نتابعهم كويس ونغطى استفساراتهم



إيه اللى هنشرحه على الموقع
  1. حل أسئلة كتاب المدرسة على كل الفصول ( فيديوهات ) لكل فصل على حدة .
  2. حل أغلب اسئلة كتاب الامتحان  على كل الفصول زى ما عملنا فى الأول والثانى .
  3. حل اسئلة امتحانات البوكليت اللى نزلت العام الماضى ( وده هيكون فى شهر 4 او 5 )
  4. استكمال شرح الفصل السادس
  5. شرح الفصل السابع والثامن والحديثة
  6. فيديوهات شرح لحل خمس إلى عشر امتحانات من السنين السابقة بصورة مفصلة .
  7. عمل 4 فيديوهات اسبوعيا مدتها تتراوح ساعة اجملا للاجابة على اهم اسئلتكم واستفساراتكم
  8. حل بعض اسئلة وافكار كتاب الوسام .
  9. عمل بعض الاختبارات لكم على الموقع وتصحيحها ليعرف كل طالب اين وصل مستواه
  10. الملفات والمذكرات هتكون متاحة بروابط مباشرة وجاهزة للطباعة من على الموقع الجديد .



تنبيهات
  1. مش عايزين حد يفكر انه جاى يشترينا بفلوسه لأن دى مش فلوس مقارنة باللى بتدفعوه فى الدروس ,,, ثانيا لو النظام مش متناسب معاك بلاش تسجل ,,, نظامنا معروف على قناة اليوتيوب واللى بيتابعنا عارف الشغل عامل ازاى . الكلام ده كتبناه علشان بعض التعليقات السخيفة .
  2. ماتبعتش اسئلة ومسائل على التليفون او على الفيس كل مراسلاتنا هتكون من خلال الموقع الجديد فقط .
  3. هل هنجاوب على ( كل ) الاسئلة اللى يتقف مع ( كل ) الناس ؟ الجواب : طبعا لأ ولكن زى مانتوا شفتوا وجربتوا بنفسكم ان الفيديوهات بيبقى فيها الاجابات لحوالى 80% من الاسئلة والافكار والمسائل اللى ممكن تدور فى دماغك او تقف قدامك ,,, اما باقى ال 20% فاحنا قدر الامكان اسبوعيا هنجمع اسئلتكم ونجاوب عليها ولكن لو كانت كتيرة فبالتأكيد مش هنعرف نجاوب عليها كلها ,,,,, ولكن سنحاول تحقيق ذلك لكم ان شاء الله
  4. الطبيعى كل اسبوع هننزل بفيديوهات لكن قد تضطرنا الظروف نأجل اسبوع ولكن ان شاء الله هنحاول الا يحدث
  5. هل هنقدر نشوف الفيديوهات دى طول السنة لحد الامتحانات ؟ نعم متاحة طول الوقت تقدر تشوفها وقت مانت عايز
  6. لو وقعت فى مشكلة فى الفيزياء او حاجة مش فاهمها نهائى هتساعدنا ؟ طبعا ان شاء الله هتبعتلنا مشكلتك وهنحاول نبعتلك الشرح والفيديوهات من اللى نزلناه اللى يحلهالك ,,, او نقولك النصيحة الافضل لتلاشى المشكلة 
  7. الرسم البيانى والوحدات المكافئة ؟ هيتم تظبيطها تمام فى الموقع الجديد ان شاء الله
  8. مابعرفش احل مسائل اول مرة اشوفها ؟ زى ماحنا متعودين فى الفيديوهات اللى نزلت السنة دى هنعلمكم ازاى تخترعوا تألفوا مسألة مش بس تحلوا مسألة ولكن محتاجك تبذل مجهود ,,, لأن ده مش هيتحقق وانت قاعد من غير شغل



تفاصيل الدفع
  1. مبلغ الدفع هو 100 جنيه لكل طالب .
  2. الدفع هيكون مرة واحدة فقط .
  3. الحجز هيفضل لحد اخر شهر 12 فقط .
  4. مش محتاج حساب فيس ولا حساب يوتيوب ولا أى تفاصيل اخرى .
  5. بعد ما بتدفع بتبعت لنا ايصال الدفع على الفيس او الواتس وبنرد عليك بحسابك


طريقة الدفع 

 علشان تدفع هتروح لأى مكتب بريد جنبك وتقول له عايز أحول مبلغ 100 جنيه  على الحساب الفضى رقم 1005012000487818 بإسم حمدى سلطان وبعد كدة هتبعت لنا على الواتس او فى رسالة على صفحة الفيس بوك ( الرابط ) 01006348241 الايصال اللى اخدته من مكتب البريد هنرد عليك بحسابك على الموقع خلال 24ساعة ان شاء الله
 


فى النهاية : أى حد هيدى بيانات حسابه على الموقع الجديد لطالب تانى يستخدمه هيتم حظره نهائيا 
كل واحد له حساب يستخدمه
#بالتوفيق


واتساب

ميكروبيديا هى مدونة قام بإنشائها م حمدى سلطان لتكون نواة لأحد أهم تخصصات قسم هندسة الحاسب وهو تخصص الأنظمة المدمجة لكن سرعان ونتيجة لمتعة مادة الفيزياء ما أصبحت المدونة تستخدم لعرض كل ما يخص مادة الفيزياء للثانوية العامة ويمكنك من خلال تصفحها الوصول للشرح والمذكرات وقريبا الأخبار الخاصة بالثانوية العامة

هناك 27 تعليقًا:

  1. طب واللي ميعرفش يجيب حد .. ولا يعرف يدفع ال 150 ج مره واحده ؟ ... يعني حضرتك كنت قايل انه ممكن 15ج كل شهر ؟

    ردحذف
  2. هل الخطة هتم زي ما مكتوب ولا لا

    ردحذف
  3. انا قريت كل حاجة بس برضو عايزة افهم هل انا بروح ادفع الاول وابعت لحضرتك الايصال ع الواتس ويبقى done كده انا حجزت ولا ايه ؟

    ردحذف
    الردود
    1. أيوا بالظبط
      وهنرد عليكى فى الواتس بالحساب بتاعك على الموقع الجديد

      حذف
    2. لو سمحت البريد غدا مغلق هل عادي لو دفعت يوم السبت ؟؟

      حذف
    3. أزال المؤلف هذا التعليق.

      حذف
  4. ينفع ادفع بكره والا هيكون الحجز اتقفل ؟؟

    ردحذف
  5. ينفع اشترك يوم 2 فى الشهر الجديد

    ردحذف
  6. الحجز لسه موجود ولا ايه ممكن ادفع بكره
    ياجدعااااااان

    ردحذف
  7. لو سمحت انا كنت عاوزة احجز هو الحجز خلاص قفل

    ردحذف
  8. لو سمحت يا مستر ممكن احجز بكره ولا الحجز اتقفل ؟!ارجو الرد ��

    ردحذف
  9. طيب بخصوص شرح الفصل السابع والثامن علي اليوتيوب انا لم اجدهم

    ردحذف
  10. هو الحجز اتقفل واشتركو ال 100طالب ولا لسه؟؟

    ردحذف
  11. أزال أحد مشرفي المدونة هذا التعليق.

    ردحذف
  12. انا عايزه احجز لو سمحت

    ردحذف
  13. لو سمحت عايزه احجز ضروري

    ردحذف
  14. مش حضرتك كنت قايل قبل كدا أن ممكن اتنين طلاب يشتركوا مع بعض فى الفلوس

    ردحذف
  15. .كان ممكن حضرتك تنزل الفيديوز علي اليوتيوب برده .المبدأ الصراحه مش مفيد لطلبه تانيه كانت منتظره شرح حضرتك .شكرا

    ردحذف
  16. الحجز اتقفل ولا لا ولي منزلتهمش علي اليوتيوب

    ردحذف
  17. يا استاذ ممكن كود الدخول للموقع by free

    ردحذف